Hlăm 5 thŭn êgao, dŭm gưl bruă êdam êra čar Dak Lak đru leh kơ 152 hdră čô̆ kơ bruă mơ̆ng phung êdam êra, rŭ mjing giăm 300 klei bi hmô đru kơ phung êdam êra, đru kčĕ, hưn mdah bruă mă kơ 27.000 čô êdam êra. Bruă bi kƀĭn lu phung êdam êra mđing kơ krĭng mnuih djuê ƀiă, klei đăo knang.

Hluê anăn, bi mŭt thiăm 92.600 čô hlăm êpul, mnđĭ kyar 15 êpul bruă hlăm knơ̆ng bruă êngao knŭk kna. Phung êdam êra hlăm čar lŏ hur har nao hgŭm hlăm dŭm mta bruă bruă bi hơĭt klei hdĭp yang ƀuon, ngă bruă kyua êpul êya. Hlăm 5 thŭn êgao dưi iêo mkrum ngă bruă rŭ mdơ̆ng mrâo 72 sang klei khăp, mkŏ mjing 290 gưl mkă dlăng klei ruă, mbha êa drao amâo mâo mă prăk, myơr êbeh 37.400 hnơ̆ng êrah đru kơ mnuih ruă.