Ti Wăl tač Chiến Thắng (ƀuôn hgŭm Quy Nhơn), čar Gia Lai mkŏ mjing Knăm jao mă kahan thŭn 2026 hlăm ai êwa kdrưh kơăm, hơ̆k mơak. Nao hlăm knăm mâo Khua hlăm phŭn bruă kđi čar, Khua phŭn bruă hŏng tač êngao Lê Hoài Trung; Thượng tướng Trương Thiên Tô,  K’iăng  Khua Anôk bruă kđi čar lĭng kahan yang ƀuôn Việt Nam; hŏng khua gĭt gai alŭ wăl, knuă druh, lĭng kahan leh anăn lu mnuih ƀuôn sang. Thŭn 2026, čar Gia Lai mâo giăm 5.700 čô nao mŭt kahan. Bruă hrŏng ruah leh anăn iêô mnuih ƀuôn sang mŭt kahan mâo pŏk ngă kjăp, djŏ hdră kčah, rơ̆ng klă mngač, êngiê, djăp hnơ̆ng kčah, mđĭ hnơ̆ng jăk. Knăm jao mă kahan thŭn 2026 ti Gia Lai klă sĭt jing knăm mơak phung hlăk ai alŭ wăl, thiăm klei mđĭ ai kơ phung kahan mrâo kjăp knhuang mŭt kahan, đru mkŏ mjing leh anăn răng mgang čar kwar.

Mđrăm mbĭt hŏng ai êwa hđeh êdam nao mŭt kahan, giăm 5.500 čô hlăk ai mơ̆ng čar daklak nao mŭt kahan. Ti 15 anôk jao mŭt kahan hlăm čar, mâo mă bruă hŏng klei mpŭ, mơak mñai. Bruă jao kahan thŭn anei mâo lu mta mrâo leh hlue ngă dŭm hdră êlan bruă sang čư̆ êa dua gưl, lehanăn klei bi mŭt dŭm boh čar. Thŭn anei Daklak mâo 4.600 čô mnuih nao mŭt kahan lĭng, lehanăn 849 čô mnuih nao mŭt kahan ksiêm. Hnơ̆ng thâo mơ̆ng kahan mrâo čar daklak thŭn anei đĭ nanao, hŏng giăm 330 čô mâo hnơ̆ng hriăm gưl prŏng, gưl krah lehanăn mkrah dưh./

  Čar Lâm Đồng hrăm mbĭt mkŏ mjing knăm jao, mŭt kahan thŭn 2026 ti 12 anôk ti čar, atăt êbeh 4.600 čô nao ngă bruă klam yuôm bhăn hŏng čar kwar. Thŭn anei, ênoh bi liê jao kahan mơ̆ng čar Lâm Đồng jing 4.607 čô mnuih ƀuôn sang. Phung êdam êra djŏ ruah rơ̆ng hnơ̆ng čuăn kđi čar, knhuah hdĭp, klei  hriăm hră, klei suaih pral; lu phung ruĕ hriăm gưl prŏng, gưl krah, đru mđĭ hnơ̆ng jăk phŭn ruah.

Bruă ruah mnuih ƀuôn sang mŭt kahan mâo pŏk ngă kjăp, êngiê, klă mngač; dŭm hdră ksiêm dlăng phŭn ruah, hrŏng ruah, ksiêm mkă hlue ngă kjăp, djŏ hdră kčah.

Hlăm ai êwa mơak mñai klei jao kahan ti dŭm alŭ wăl čar Khánh Hòa bi mkŏ mjing sơăi. Knăm jao kahan thŭn 2026, jao leh 3.573 čô hlăk ai nao mŭt kahan. Thŭn anei, phung kahan mrâo čar Khánh Hòa mâo tiŏ nao kơ Lữ đoàn 957 (kahan êa krĭng 4), kơ sang hră bi hriăm kahan êdeh phiơr, Sư đoàn kahan răng mgang wăl adiê 377, Sư đoàn 2, Sư đoàn 305, knơ̆ng bruă kahan čar, kahan ksiêm čar lehanăn knơ̆ng bruă kahan răng mgang knông lăn čar.

Čiăng kơ bruă iêo mŭt kahan mâo klei tŭ dưn, wưng leh êgao dŭm anôk bruă djŏ tuôm bi mguôp kjăp hlăm bruă ruah kahan, hâo hưm mtô mblang čiăng kơ jih jang hđeh êdam truh thŭn bi nao mŭt kahan, bi leh noh čuăn bruă kđi čar, hlue ngă jăk hdră êlan kơ hlăk ai nao mŭt kahan./.