Ƀri wưng mtao Campuchia mkŏ mjing bruă kƀĭn ala tal 7 lehanăn knŭk kna păn bruă wưng tal 7 (2023-2028), Khua knŭk kna Phạm Minh Chính mơĭt leh hră hơêč hmưi kơ khua knŭk kna Hun Manet; Khua bruă kƀĭn ala Vương Đình Huệ mơĭt leh hră hơêč hmưi truh kơ khua bruă kƀĭn ala Khuon Sodary.

Hlăm hră mơĭt, phung khua kiă kriê Việt Nam bi êdah klei đăo knang kơ khua knŭk kna lehanăn khua bruă kƀĭn ala mrâo, Campuchia srăng mâo lu klei tŭ jing hlăm bruă rŭ mdơ̆ng lăn čar êđăp ênang hơĭt kjăp lehanăn đĭ kyar, mâo bruă klam đĭhĭn hlăm alŭ wăl lehanăn hŏng tar rŏng lăn. Phung khua kiă kriê Việt Nam ăt đăo knang hlăm wưng tinăp klei bi mguôp riêng gah hyuă kjăp hĭn, bi hgŭm kluôm dhuôm, lehanăn kjăp plah wah Việt Nam lehanăn Campuchia hlăm klei đĭ kyar, kyua klei tŭ dưn kơ mnuih ƀuôn sang dua ala čar, đru mguôp jăk kơ yang ƀuôn ASEAN, kyua kơ klei êđăp ênang hĭt kjăp hlăm alŭ wăl lehanăn tar rŏng lăn./.