Klei kƀĭn mâo 55 klei hlăk mblang mơ̆ng phung thơ̆ng kơ bruă, phung kreh knhâo leh anăn phung kriê dlăng, Anôk bruă bi hriăm bruă kđi čar ala čar Hồ Chí Minh, dŭm anôk bruă ksiêm duah, dŭm êpul bruă kđi čar ala ƀuôn hlăm čar Gia Lai leh anăn dŭm alŭ wăl Lăn Dap Kngư.

Dŭm klei hlăk mblang lač klă bruă klam mơ̆ng phung mâo kơhưm hlăm êpul êya, mơ̆ng bruă hâo hưn, mtrŭt mjhar mnuih ƀuôn sang truh kơ mđĭ kyar bruă duh mkra ala ƀuôn, mkŏ mkra krĭng ƀuôn sang mrâo, bi kjăp bruă kđi čar nah gŭ, răng mgang klei bi mguôp djuê ana, răng mgang klei êđăp ênang hlăm alŭ wăl. Lu phung bi ala lač, čiăng kơ phung mâo kơhưm lŏ bi lar bruă klam, čiăng mkŏ mjing klei găl đru kơ phung mâo kơhưm nao hlăm dŭm mta bruă kđi čar yang ƀuôn ti alŭ wăl, mtô mjuăt mđĭ ai dưi, boh nik jing klei ktuê dlăng, wĭt lač leh anăn mtrŭt mjhar mnuih ƀuôn sang nah gŭ.