Bruă anei mâo khua bi ala mơ̆ng êpul khua kiă kriê bruă êdam êra gưl dlông Hồ Chí Minh, phung khua kiă kriê čar, dŭm knơ̆ng dhar bruă lehanăn giăm 2.000 čô êdam êra djăp djuê ana ti čar Daklak. Hŏng klei mpŭ, phung khua kiă kriê čar bi êdah bruă knuă ti anăp mnguh mngăt phung săn asei djiê êngiă mơ̆ng phung mda asei kluôm čar mâo ngă leh hlăm wưng êgao.

Hlue anăn phung mda asei čar Daklak mâo mđup brei leh mnơ̆ng truh êbeh 2.700 hnư̆ mnơ̆ng kơ dŭm gŏ êsei knŭk kna dlăng ba, gŏ êsei kahan êka êkeh, amĭ Việt Nam jhŏng ktang hŏng ênoh êbeh 800 êklăk prăk. Iêo jak truh 500 čô êdam êra ngă klei bi đru mkra brei sang kơ kahan êka êkeh, găp djuê mnuih êngiă asei, mnuih mâo bruă tŭ dưn. Êbeh 3.000 gưl čô êdam êra nao dlăng kriê msat phung êngiă asei čar./.