Hlăm ai êwa mơak mñai klei bi lông, bi ktưn mơ̆ng phung amai adei mniê kluôm ala tŭ drông klei bi hdơr 1983 thŭn hruê krŭ kdơ̆ng Hai Bà Trưng, 113 thŭn hruê phung mniê tar rŏng lăn, aguah mbruê 8/3, Ti anôk bruă Phŭn bruă lĭng kahan, Êpul phung mniê lĭng kahan mkŏ mjing knăm bi hdơr 30 thŭn hruê knhuah gru phung mniê lĭng kahan, Êpul phung lĭng kahan mniê leh anăn tŭ mă mêđai răng mgang ala čar mrô 2.

Thượng tướng Nguyễn Trọng Nghĩa, Khua êpul bruă hâo hưn gưl dlông nao hgŭm leh anăn gĭt gai knăm anei. Blŭ hlăm knăm bi hdơr, Thượng tướng Lê Huy Vịnh, k’iăng khua Phŭn bruă lĭng kahan bi ala kơ knơ̆ng gĭt gai lĭng kahan gưl dlông, Khua gĭt gai Phŭn bruă lĭng kahan mñă klă, dŭm thŭn kơ anăp, klei êđăp ênang, bi mguôp leh anăn đĭ kyar ăt jing klei mđing prŏng, ƀiădah boh sĭt tar rŏng lăn leh anăn alŭ wăl mâo klei mlih hmar, dleh ksiêm dlăng leh anăn đăo knăl. Thượng tướng Lê Huy Vịnh, brei thâo, boh klei anăn mdưm leh hnơ̆ng čoh čuăn ƀrư̆ hruê ƀrư̆ lu hŏng bruă klam mkŏ mjing lĭng kahan, bi kjăp bruă lĭng kahan leh anăn răng mgang ala čar.