K’iăng Khua Anôk dlăng bruă knuă dưl dlông Nguyễn Thái Học lač klă, hŏng bruă klam jing anôk bruă đru kčĕ hdră bruă mơ̆ng Đảng hlăm bruă knuă ala čar, gang mkhư̆ klei ƀơ̆ng ngăn leh anăn mkra mlih hdră bhiăn, Anôk dlăng bruă knuă gưl dlông mâo Êpul hgŭm kreh knhâo dŭm anôk bruă Đảng gưl dlông, jao hdră ksiêm hriăm akŏ kreh knhâo phŭn čiăng mơ̆ng anăn mprăp kơ bruă čih mkra hră mơar hưn mdah kơ klei bi kƀĭn tal 14 mơ̆ng Đảng.

Hlăm klei bi kƀĭn phung bi ala, phung kreh knhâo hrăm mbĭt bi trông kñăm bi klă bruă kơ klei mđĭ kyar klei thâo săng klei hriăm mơ̆ng Đảng kơ bruă đru kčĕ mơ̆ng dŭm anôk bruă Đảng hlăm bruă kriê dlăng bruă knuă, gang mkhư̆ klei ƀơ̆ng ngăn leh anăn mkra mlih hră mơar; Ksiêm dlăng boh tŭ dưi mâo, klei kƀah, mta phŭn leh anăn klei hriăm hlăm bruă đru kčĕ mơ̆ng dŭm anôk bruă Đảng. Mơ̆ng anăn kčah bruă mrâo brei kƀĭn msir mgaih leh anăn dŭm bruă klam hdră msir phŭn êdah êdi, klei kčĕ, kñăm mđĭ hnơ̆ng jăk bruă klam mơ̆ng dŭm anôk bruă Đảng.