Hluê si anôk bruă kan hdang leh anăn êa ksĭ plao ksĭ Dak Lak, hlăm hruê 5 tết, mâo leh 10 gưl kŭm păn trah mă kan ngừ êa ksĭ hlăm wưng tết wĭt truh ti kdrŭn ksĭ, hŏng hnơ̆ng êbeh 50 tôn. Mĭn tĭng hlăm dŭm hruê kơ anăp, hlăm brô 70 kŭm păn lĭ wĭt, năng ai mâo mă lu hlăm wưng akŏ thŭn. Hŏng klei ktuê dlăng brei ƀuh, phung pô mran leh anăn phung mă bruă ngă djŏ dŭm hdră bhiăn trah mă ti êa ksĭ, Mơ̆ng hruê 5 tết, ti dŭm kdrŭn ksĭ mâo lu mnuih, lu kŭm păn mă kan ngừ truh ti kdrŭn ksĭ hlăm klei hơ̆k mơak. Phung hrui blei, knơ̆ng bruă mâo ƀô̆ mta mơ̆ng hnưm čiăng blei kan hdang leh kŭm păn truh ti kdŭn ksĭ.

Knơ̆ng bruă hrui blei brei thâo, kan ngừ ti anôk trah mă trường să wưng anei ktrŏ, hnơ̆ng jăk, mâo dŭm dŭm mnia mblei dleh msĕ si Ơrôp, Mi leh anăn Japon khăp.

 Leh Tết Nguyên đán, ti kdrŭn kan hlăm čar Khánh Hòa, dŭm êtuh boh hô̆ trah mă kan mprăp kơ gưl hiu trah mă kan akŏ thŭn mrâo. Mbĭt hŏng keli čang hmăng djŏ mbhă hlăm klei hiu trah, mnuih trah mă kan hlue ngă djŏ klei bhiăn IUU bi kdơ̆ng hŏng klei ngă soh, anăp truh mđĭ kyar kjăp bruă trah mă kan.

Ti kdrŭn kan Hòn Rớ, mơ̆ng aguha ưm, dŭm boh hô̆ trah mă kan dôk mbŏ êa pui, mkăp djăp klŏ êa êăt, kdrăp trah mă kan êlâo kơ đuĕ nao trah mă kan. Leh mâo klei bi mŭt mbĭt, lehanăn bi kjăp klei bhiăn hiu trah kan, kluôm čar  Khánh Hòa hiện mâo hlăm brô 5.200 boh hô̆ trạ mă kan ngă leh hră mơar dưi hiu trah mă kan djŏ klei bhiăn, djăp ênŭm 100%. Bruă kiă kriê kjăp êpul hiu trah mă kan, pioh thâo bĭt klă phŭn agha anôk trah mă kan, lehanăn gam mkhư̆ klei ngă soh hŏng klei bhiăn. Thŭn 2025, ênoh kan hdang mâo mơ̆ng čar Khánh Hòa êbeh 238 êbâo tôn, mâo ba wwĭt prăk čhĭ kơ ala tač êngao hlăm brô 870 triệu USD.