Ƀri gưl bi hdơr 34 thŭn hruê jih jang mnuih ƀuôn sang răng mgang knông lăn, 64 thŭn hruê knhuah gru lĭng kahan  răng mgang knông lăn leh anăn 60 thŭn hruê knhuah gru sang hră kahan răng mgang knông lăn, aguah 28/2, Pô mâo klei dưi Khua lăn čar Võ Thị Ánh Xuân nao čhưn leh anăn mă bruă ti Sang hră kahan răng mgang knông lăn - anôk mtô bi hriăm leh anăn ksiêm hriăm kreh knhâo mơ̆ng êpul kahan răng mgang knông lăn ti Wăl krah Sơn Tây, Hà Nội.

  Pô mâo klei dưi Khua lăn čar Võ Thị Ánh Xuân mñă klăm ti gŭ klei gĭt gai mơ̆ng bruă Đảng kahan gưl dlông, Phŭn bruă lĭng kahan, Sang hră kahan răng mgang knông lăn gĭr ktưn mkŏ mjing anôk bruă kjăp ktang, kluôm ênŭm, hlue ngă jăk 2 bruă klam jing anôk bruă mtô bi hriăm kreh knhâo leh anăn mprăp bi blah mơ̆ng Anôk bruă lĭng kahan răng mgang knông lăn. Hlăm boh klei ară anei, ƀrư̆ mâo lu bruă klam kơ phung kahan răng mgang knông lăn leh anăn Sang hră kahan răng mgang knông lăn hlăm bruă mkŏ mjing, kriê dlăng leh anăn răng mgang klei êđăp ênang knông lăn hlăm boh klei mrâo./.