Tui si tĭng, dưi mkŏ mjing ngă dua gưl, gưl 1: Mơ̆ng hrue 14-17/4/2025; gưl 2 mơ̆ng hrue  22 – truh aguah hrue 28/4/2025. Mâo lu bruă yuôm bhăn bi trông hlăm klei bi kƀĭn anei. Ti anôk bi kƀĭn, Dhar bruă gĭt gai bruă kƀĭn ala mâo leh klei blŭ lač kơ klei čiăng mlih mrâo, thiăm mbŏ đa đa mta mơ̆ng hdră bhiăn phŭn 2013; mkŏ mjing êpul bruă mlih mrâo thiăm mbŏ hdră bhiăn phŭn thŭn 2013; mă klei blŭ mnuih ƀuôn sang kơ bruă mlih mrâo thiăm mbŏ hdră bhiăn phŭn thŭn 2013.

Klei bi kƀĭn tal 43 mơ̆ng dhar bruă gĭt gai bruă kƀĭn ala

Dhar bruă gĭt gai bruă kƀĭn ala ksiêm dlăng bi mklă kơ bruă dăp wĭt klei mă bruă, bi hrô kơ hdră mtrŭn mrô  35/2023 mơ̆ng dhar bruă gĭt gai bruă kƀĭn ala gưl 15 kơ bruă dăp wĭt êpul bruă gưl kdriêk, gưl să wưng thŭn 2023 - 2030.