Năng ai klei bi kƀĭn anei srăng mkŏ mjing truh 29 hrue mkrah. Ti anôk bi kƀĭn anei, bruă kƀĭn ala srăng ksiêm, bi mklă truh 15 hdră bhiăn năng mđing tal êlâo jing hdră bhiăn gang mkhư̆ klei pui ƀơ̆ng, dŏng mtalih mnuih mâo klei truh; Bi mlih, thiăm mbŏ đa đa mta hlăm hdră bhiăn ênua mdrao mgŭn; hdră bhiăn bi kdơ̆ng hŏng klei tlĕ čhĭ mnuih (lŏ mlih mrâo); hdră bhiăn Công đoàn (lŏ mlih mrâo)… 

Bruă kƀĭn ala srăng ksiêm, lehanăn mă klei blŭ kơ 13 hdră bhiăn dôk čih mkra, tal êlâo jing hdră bhiăn pui kmlă (lŏ mlih mrâo), hdră bhiăn mjuăt bi hriăm, hdră bhiăn jia hŏng phung duh mkra (lŏ mlih mrâo), bi mlih lehanăn thiăm mbŏ dŭm mta mơ̆ng hdră bhiăn hưn mdah kơ klei duh mkra. I anôk bi kƀĭn tal 8 bruă kƀĭn ala bi myuôm boh tŭ dưn klei mđĭ kyar bruă duh mkra ala ƀuôn , klei kơ ngăn prăk knŭk kna thŭn 2024 lehanăn ksiêm dlăng bi mklă hdră mđĭ kyar bruă duh mkra ala ƀuôn, mkă tĭng ngăn prăk knŭk kna, mâo hdră tĭng kơ klei bi liê hlăm thŭn 2025; ksiêm dlăng klei hâo mdah bruă hlue ngă hdră bhiăn, bi kdơ̆ng hŏng klei ƀơ̆ng ngăn, bi kdơ̆ng hŏng phung ngă soh, mghaih msir klei mnuih ƀuôn sang kčŭt hưn./.