K’iăng khua knuk kna Trần Lưu Quang, phung khua kiă kriê dŭm phŭn dhar bruă, phung khua kiă kriê čar Daklak hlăm dŭm wưng ênuk, phung khua bi ala mơ̆ng dŭm anôk bruă duh mkra pla mjing, lehanăn mnia mblei kphê hlăm ala čar lehanăn mơ̆ng ala tač êngao mbĭt hŏng mnuih ƀuôn sang djăp djuê ana hlăm čar lehanăn êngao čar nao hlăm knăm anei. Hŏng akŏ jing: “Ƀuôn Ama Thuôt jing anôk truh mơ̆ng kphê tar rŏng lăn”, knăm mơak kphê Ƀuôn Ama Thuôt tal 8, lŏ dơ̆ng bi êdah kơhưm kphê Việt Nam hŏng tar rŏng lăn.

Blŭ hrăm ti knăm pŏk anei, k’iăng khua knŭk kna Trần Lưu Quang mtă kơ čar Daklak lŏ dơ̆ng mkŏ mjing dŭm hdră êlan hưn mdah, marketing, čoh čuăn anăn knăl bi djŏ guôp hŏng klei dưi pô. Mkra mjing kphê hŏng klei jăk, kphê tŭ dưn mơ̆ng Việt Nam hŏng mnâo mnañ jăk êdi mâo ala tač êngao tŭ yap, lehanăn khăp blei yua kphê pô./.