Khua sang hră kđi čar ala čar Hồ Chí Minh Nguyễn Xuân Thắng lač klă, hlăm wưng êgao, Đảng, Knŭk kna mâo leh lu hdră êlan, hdră bhiăn kñăm mkŏ mjing tur mrô, mđĭ mlih mrô kluôm.

Boh nik Hdră mtrŭn 57 mơ̆ng Phŭn bruă kđi čar bi mklă, mđĭ kyar kreh knhâo, kdrăp mrâo, mlih mrâo mbruă leh anăn mlih mrô ala čar jing klei êdah êdi yuôm bhăn mrô sa čiăng mđĭ lyar êpul mkra mjing mrâo mrang, ba ala čar đĭ kyar êdah êdi, mdrŏng sah hlăm ênuk mrâo. Khua sang hră kđi čar ala čar Hồ Chí Minh Nguyễn Xuân Thắng mtă, hlăm wưng kơ anăp, anôk bruă hlăm Sang hră kđi čar kluôm ala brei ngă jăk hĭn kơ klei kreh knhâo kdrăp mrâp, mbruă leh anăn bi mliih mrô mơ̆ng bruă kriê dlăng, gĭt gai, mă bruă, truh kơ mtô, ksiêm hriăm hlue si hdră kluôm, mâo boh phŭn čiăng mjing klei đĭ kyar.