Ti anôk bi kƀĭn hlue ngă bruă knuă thŭn 2023 kơ bruă bi mâo djăp mnơ̆ng ƀơ̆ng huă, lehanăn kơ klei doh êƀăt mnơ̆ng ƀơ̆ng mơ̆ng phŭn bruă lŏ hma hgŭm leh hŏng knơ̆ng bruă sang čư̆ êa ƀuôn prŏng Hà Nội mkŏ mjing hrue mbrue (6/1), k’iăng khua phŭn bruă lŏ hma Trần Thanh Nam mtă, hyuăkjăp bruă rơ̆ng bi mâo mnơ̆ng ƀơ̆ng doh hlăm wưng Tết nguyên đán Quý Mão năm 2023.

Blŭ hrăm ti anôk bi kƀĭn, k’iăng khua phŭn bruă lŏ hma Trần Thanh Nam brei thâo, čiăng dưi mâo mnơ̆ng ƀơ̆ng doh hlăm wưng Tết Nguyên đán Quý Mão 2023, Phŭn bruă gĭt gai leh djăp anôk kăp ksiêm kơ hnơ̆ng doh mnơ̆ng ƀơ̆ng hlăm ƀuôn prŏng. Mơ̆ng klei ksiêm anăn brei ƀuh, jih jang mnơ̆ng ƀơ̆ng doh mkăp djăp hlăm wưng Tết Nguyên đán Quý Mão 2023. Klei yuôm bhăn hĭn jing ară anei jih jang mnơ̆ng anei bi pral ba mkăp hlăm dŭm anôk čhĭ mnia./.