Ti anôk bi kƀĭn pŏk ngă dŭm klei bi mklă kơ hdră knuă druh, Anôk bruă sang čư̆ êa čar Gia Lai ruah leh: Vũ Tiến Anh ngă Khua adŭ bruă sang čư̆ êa čar, ruah Đỗ Việt Hưng ngă Khua knơ̆ng bruă Hdră kčah lehanăn Duh bi liê; tiŏ nao Nguyễn Quảng Hà păn ngă Kơiăng khua Knơ̆ng bruă Hdră kčah lehanăn Duh bi liê čar Gia Lai.

Đỗ Việt Hưng, Kơiăng khua bruă Đảng ƀuôn prŏng, Khua anôk bruă sang čư̆ êa ƀuôn prŏng Pleiku, amâo lŏ ngă Khua hlăm Anôk bruă Đảng lehanăn Anôk kriê dlăng bruă Đảng ƀuôn prŏng, amâo lŏ ngă Kơiăng khua bruă Đảng ƀuôn prŏng lehanăn tiŏ nao ngă bruă ti Knơ̆ng bruă Hdră kčah lehanăn Duh bi liê Gia Lai. Đoàn Hữu Dũng, Khua knơ̆ng bruă Êlan klông dŭ mdiăng, dưi tiŏ nao ngă Khua hlăm Anôk kriê dlăng bruă Đảng ƀuôn prŏng Pleiku, păn ngă Kơiăng khua bruă Đảng ƀuôn prŏng wưng thŭn 2020-2025, mbĭt anăn dưi hưn mthâo čiăng Êpul gơ̆ng bruă ƀuôn sang ƀuôn prŏng Pleiku ruah ngă Khua anôk bruă sang čư̆ êa ƀuôn prŏng Pleiku wưng thŭn 2021-2026.