Sang hră gưl prŏng Lăn Dap Kngư ară anei mâo êbeh 9.500 čô hđeh sang hră, phung hriăm gưl prŏng; mtô 5 bruă nai prŏng, 12 bruă nai prĭn leh anăn sa anôk bruă thơ̆ng gưl sa, 37 bruă hriăm gưl prŏng. Mbĭt anăn, sang hră lŏ ngă bruă ksiêm mkă mdrao klei ruă kơ mnuih ƀuôn sang ti Sang êa drao Sang hră gưl prŏng Lăn Dap Kngư.

Blŭ hrăm hlăm knăm mphŭn pŏk thŭn hriăm mrâo, Nai prĭn Nguyễn Thanh Trúc, Khua sang hră gưl prŏng Lăn Dap Kngư brei thâo, sang hră lŏ dơ̆ng mđĭ bruă ksiêm dlăng kriê dlăng gưl hriăm; bi leh klei mkŏ mjing mnuih mă bruă khuăt, tŭ dưn; bi leh hdră bi mŭt Sang hră Cao đẳng sư phạm Dak Lak hlăm Sang hră gưl prŏng Lăn Dap Kngư; mprăp klei găl mkŏ mjing sang hră gưl prŏng krĭng êlâo thŭn 2030. Sang hră ăt srăng mđing hĭn truh kơ dŭm bruă mtô kơ bruă lŏ hma yua kdrăp mrâo, mtô kơ bruă công nghệ sinh học hlue si Hdră mơ̆ng Phŭn bruă sang hră leh anăn mtô bi hriăm kơ “Mkŏ mjing Anôk bruă mtô bi hriăm hnơ̆ng jăk ti ƀuôn prŏng Ƀuôn Ama Thuôt leh anăn ƀuôn prŏng Đà Lạt”.