Leh 3 thŭn hluê ngă hdră bi hgŭm, Sang mđung asăp blŭ Việt Nam mkŏ mjing leh êbeh 3 êbâo klei čih, hdră mđung asăp kơ bruă duh mkra, dhar kreh, ala ƀuôn, lĭng kahan lehanăn răng mgang klei êđăp ênang ti alŭ wăl čar Dak Lak. Mbĭt anăn, mkra mjing lehanăn mđung 1.816 hdră mđung klei blŭ mnuih djuê ana ƀiă, Mâo: 908 hdră mđung klei Êđê lehanăn 908 hdră mđung klei M’Nông, jing 2 klei blŭ mnuih djuê ana ƀiă phŭn ti Dak Lak.

Blŭ ti knăm anei, Khua hlăm Anôk bruă Đảng gưl dlông, Khua knơ̆ng bruă Sang mđung asăp blŭ Việt Nam Đỗ Tiến Sỹ mñă, klă, Sang mđung asăp blŭ Việt Nam srăng hrăm mbĭt hŏng čar Dak Lak mtrŭt mđĭ hĭn hdră hâo hưn mtô mblang. Hlăm anăn mđing kơ dŭm hdră êlan mtrŭn kơ krĭng Lăn dap kmngư lehanăn Dak Lak. Khua bruă Đảng čar Dak Lak ăt mtă hlăm wưng ti anăp, Sang mđung asăp blŭ Việt Nam lŏ pŏk mlar hĭn kơ hdră bi hgŭm hâo hưn, mtô mblang./.