Bi ala kơ êpul mă bruă, Nguyễn Hoà Bình bi mni kơ klei tŭ čar Yên Bái dưi mâo hlăm thŭn mrâo êgao, hŏng lu hnơ̆ng kčah kơ klei đĭ kyar bruă duh mkra- ala ƀuôn mâo leh anăn hgao hdră kčah, boh nik hnơ̆ng kčah bi hrŏ ƀun. Mbĭt anăn mtă kơ čar brei ksiêm dlăng, bi lar dŭm hdră ngă mbruă, boh nik dŭm gru hmô bi hrŏ ƀun tŭ dưn čiăng kơ dŭm gŏ êsei ƀun, giăm ƀun grăp knhuang tŭ mă leh anăn mđĭ klei hdĭp mda, kpưn tlaih ƀun.

  Khua sang phat kđi gưl dlông ăt bi êdah klei đăo knang hŏng klei gĭr, klei čang hmăng đĭ kyar, hlăm wưng kơ anăp, čar Yên Bái srăng lŏ dơ̆ng mâo lu klei tŭ dưn yuôm bhăn, năng jing čar đĭ kyar “Mtah - jăk - mdê hjăn - jăk mơak” hlue si hdră kñăm hdră mtrŭn Klei bi kƀĭn bruă Đảng čar tal XIX kčah leh.