Hluê si klei hưn, thŭn 2024, khădah tuôm hŏng lu klei dleh dlan, ƀiădah čar Dak Nông ăt mâo dŭm boh tŭ yuôm bhăn hlăm hdră mđĭ kyar bruă duh mkra – ala ƀuôn. Prăk duh bi liê mơ̆ng knŭk kna ti Dak Nông dôk mrô sa krĭng Lăn dap kngư, hŏng hnơ̆ng 90% hlăm ênoh 3.500 êklai prăk duh bi liê hlăm hdră kčah. Bi hrŏ ƀun mơ̆ng čar dôk krơ̆ng ti êpul mrô sa kluôm ala, ară anei dôk hlăm brô 3% gŏ sang ƀun.

Djŏ boh mnga, čhĭ mâo ênoh dŭm mta mnơ̆ng lŏ hma phŭn msĕ si tiu, kphê, durian đru mđĭ leh hnư hrui wĭt grăp čô mnuih đĭ lu êdi mơ̆ng êlâo truh kơ ară anei, ară anei mâo leh 81,6 êklăk prăk/čô/thŭn, dôk tal 2 krĭng lăn dap kngư, tluôn čar Lâm Đồng. Hồ Văn Mười, Khua Anôk bruă sang čư̆ êa čar Dak Nông brei thâo, thŭn 2025, čar srăng pŏk hdră rŭ mdơ̆ng mơ̆ng 1 – 4 sang maĭ mkra bô xít- alumin- ksueh, grăp sang maĭ hlăm brô 1 êklai USD. Hŏng ênoh duh hlăm brô 8 êklai đolar Mi, srăng mjing klei găl kơ čar Lâm Đồng đ kyar kjăp hĭn hlăm êdei anăp./.