Aguah hruê 8/8, ti Anôk bruă kƀĭn ala, Êpul ksiêm dlăng thơ̆ng kơ bruă “Hluê ngă hdră mtrŭn, hdră bhiăn kriê dlăng lăn ala, sang dôk lehanăn mđĭ kyar sang dôk hlăm yang ƀuôn thŭn 2015 truh kơ jih thŭn 2023” bi kƀĭn tuôr tal 1. Êpul ksiêm dlăng mâo K’iăng khua Anôk bruă kƀĭn ala Trần Thanh Mẫn ngă Khua êpul mbĭt hŏng 3 čô K’iăng khua êpul; 22 čô khua mkăn lehanăn lu phung bi ala, phung thơ̆ng kơ bruă.

Mta kñăm ksiêm dlăng čiăng bi mklă dŭm boh tŭ, klei êdu kƀah, dleh dlan, mă klei hriăm čiăng ba mtrŭn hdră msir mđĭ boh tŭ dưn hluê ngă hdră mtrŭn, hdră bhiăn kriê dlăng lăn ala, sang dôk lehanăn mđĭ kyar sang dôk hlăm yang ƀuôn. Hŏng bruă kriê dlăng sang dôk hlăm yang ƀuôn, mđing ksiêm dlăng hlăm hdră kčah, hdră mtrŭn mđĭ kyar sang dôk; mnuih dưi dưn hdră mtrŭn anei… Blŭ ti anôk bi kƀĭn, Trần Thanh Mẫn mñă anei jing bruă prŏng mơ̆ng Anôk bruă kƀĭn ala, brei mđing bi trông, brei klei blŭ čiăng kơ Hdră kčah ksiêm dlăng, hưn mthâo boh tŭ ksiêm dlăng lehanăn Hdră mtrŭn boh tŭ ksiêm dlăng ba wĭt klei tŭ dưn./.