Hrue 24/6/1967, ala čar Việt Nam Dân chủ Cộng hòa (ară anei jing CHXHCN Việt Nam) lehanăn ala mtao Campuchia klă klơ̆ng mkŏ mjing klei mjĕ mgiăm hgŭm mbĭt, pŏk sa knhuang mrâo hlăm hƀuê ênuk dua ala čar. Êbeh kơ 50 thŭn êgao, phung ƀuôn sang Việt Nam lehanăn Campuchia mđrăm mbĭt bi đru hdơ̆ng găp hlăm klei bi blah sua mă klei êngiê kơ djuê ana, răng mgang lăn čar lehanăn hlăm bruă rŭ mdơ̆ng, mđi kyar lăn čar ară anei.

Hŏng hdră êlan, “Riêng gah jăk siam hgŭm mbĭt mâo leh mơ̆ng đưm, hgŭm bruă kluôm dhuôm, kjăp nanao”, klei bi mguôp   Việt Nam – Campuchia amâo mâo mdei dưi lŏ bi kjăp hlăm djăp mta bruă, ba wĭt klei tŭ dưn klă mngač kơ phung ƀuôn sang dua ala čar, đru mguôp jih ai tiê kơ klei êđăp ênang, hơĭt kjăp, hgŭm mbĭt hlăm alŭ wăl, lehanăn tar rŏng lăn./.