Hlăm mmông bi tuôm hŏng Khua bruă kƀĭn ala Dhŭng Korea, k’iăng khua bruă kƀĭn ala Nguyễn Đức Hải mñă klă Việt Nam dlăng yuôm bhăn klei mjĕ giăm hŏng Dhŭng Korea leh anăn hmăng hmưi 2 tĭng bi mguôp hrăm mbĭt bi êlam hĭn klei mjĕ giăm “ƀĭng hgŭm hdră êlan kluôm dhuôm”, hluê anăn dưi pŏk sa wưng đĭ kyar klă klơ̆ng, mâo boh tŭ dưn hĭn hlăm wưng kơ anăp.

Kñăm mtrŭt mđĭ klei mjĕ giăm plah wah 2 anôk bruă čih mkra klei bhiăn 2 ala čar nao êlam hĭn, k’iăng khua bruă kƀĭn ala Nguyễn Đức Hải mtă kơ 2 tĭng ksiêm dlăng bi mbŏ dŭm mta phŭn bi mguôp hluê si klei kuôl kă bi klă leh plah wah 2 anôk bruă kƀĭn ala mơ̆ng thŭn 2013, mđĭ hĭn klei bi mguôp, sa ai hdơ̆ng pô hlăm dŭm klei kƀĭn alŭ wăl leh anăn tar rŏng lăn, đru mguôp rơ̆ng klei êđăp ênang, hơĭt kjăp mơ̆ng alŭ wăl leh anăn tar rŏng lăn.