Hâo mdah ti anôk bi kƀĭn, Khua phŭn bruă čuăl mkă lehanăn duh bi liê Nguyễn Chí Dũng lač, klei duh mkra ala ƀuôn mlan 9, 3 mlan gưl III lehanăn 9 mlan hlăm thŭn 2023 lŏ dơ̆ng mâo klei bi knăl kơrŭ wĭt, lehanăn bi êdah 10 mta bruă êdah hĭn: Mâo klei kơrŭ jăk, gưl êdei kdlưn hĭn hŏng gưl êlâo, dlăng kluôm hlăm 9 mlan đĭ 4,24%, mâo klei đĭ kyar hlăm alŭ wăl lehanăn tar rŏng lăn.  Dŭm dhar bruă, alŭ wăl mâo klei lŏ kơrŭ sơăi, boh nik bruă tuh tia. Ti anôk bi kƀĭn, dŭm phŭn dhar bruă, alŭ wăl bi myuôm klei knŭk kna kiă kriê, pral đru hrăm mbĭt hŏng alŭ wăl mghaih msir jih klei dleh dlan.

Klah čun klei bi kƀĭn Khua knŭk kna Phạm Minh Chính bi êdah dŭm boh tŭ dưn, mta phŭn ngă klei awăt kƀah, lehanăn mă klei hriăm kơ klei mă bruă. Hlăm wưng tinăp, khua knŭk kna mtă kơ dŭm alŭ wăl ksiêm dlăng bi nik bi ngă bruă hŏng klei kjăp hĭn, mkhư̆ klei prăk luič ênoh, mtrŭt klei đĭ kyar kjăp rơ̆ng kơ klei hdĭp mda mnuih ƀuôn sang, răng mgang kjăp bruă kđi čar, klei êđăp ênang yang ƀuôn./.