Hdră anei mâo Phŭn bruă Mnuih ngă bruă – kahan êka êkeh lehanăn yang ƀuôn bi hgŭm hŏng Phŭn bruă mdrao mgŭn lehanăn Klei tŭ dưn yang ƀuôn Japon, Anôk bi ala Japon mkŏ mjing ƀri bi hdơr 50 thŭn hruê mkŏ mjing klei bi mjĕ Việt Nam – Japon. Hdră bi hgŭm ngă bruă plah wah Việt Nam lehanăn Japon klă klơ̆ng kčưm mơ̆ng thŭn 1992, hluê bruă tŭ jum phung hriăm bruă Việt Nam nao ti Japon tui hriăm.

Truh hruê 1/7/2019, Phŭn bruă Mnuih ngă bruă – kahan êka êkeh lehanăn yang ƀuôn Việt Nam, Phŭn bruă Hdră bhiăn, Phŭn bruă hŏng tač êngao, Phŭn bruă mdrao mgŭn lehanăn Klei tŭ dưn yang ƀuôn Japon lehanăn Anôk bruă kahan ksiêm ala čar Japon hrăm mbĭt siñê bi mklă Hră bi hdơr hgŭm bruă hlăm hdră mjuăt bi hriăm klei thâo mă bruă kñăm mđĭ hĭn hdră răng mgang mnuih mă bruă, mjing klei găl kơ bruă tŭ jum mnuih mă bruă hluê djŏ klei bhiăn mơ̆ng dua ala čar./.