Việt Nam jing kban mkŏ mđĭ klei bi hgŭm ASEAN-Maroc
Thứ năm, 08:18, 02/03/2023
VOV TAYNGUYEN
VOV TAYNGUYEN
VOV4.Êđê- Ti ƀuôn prŏng Casablanca, Maroc, Knơ̆ng bruă ASEAN ti Rabat, bi hgŭm hŏng Sang hră gưl prŏng kriê dlăng bruă duh mkra Maroc ESCA leh anăn anôk bruă ksiêm hriăm kơ hdră bruă ATLANTIS mkŏ mjing leh Klei bi trông “Klei kuôl kă dŭm ala čar Ngŏ Dhŭng Asi ASEAN, gru hmô bi hgŭm krĭng wăl”.
Blŭ hrăm hlăm klei bi kƀĭn, Khua bi ala Đặng Thị Thu Hà, Khua knơ̆ng bruă ASEAN ti Maroc mñă klă leh êbeh 55 thŭn mkŏ mjing leh anăn mđĭ kyar, ASEAN mâo leh lu klei tŭ, mkŏ mjing leh anăn mđĭ lar wăl êđăp ênang kjăp, hnơ̆ng bi hgŭm, ƀrư̆ hruê ƀrư̆ êlam hlăm jih tlâo bruă kđi čar - klei êđăp ênang, bruă duh mkra leh anăn dhar kreh - ala ƀuôn; jing ƀĭng hgŭm yuôm bhăn mơ̆ng lu êpul bruă ala tač êngao leh anăn ala čar dlông rŏng lăn, hlăm anăn mâo Afrik.
Anei srăng jing atur knơ̆ng čiăng mđĭ ktang klei bi hgŭm ASEAN-Maroc ti hnơ̆ng mrâo; mbĭt anăn Knơ̆ng bruă ASEAN ti Maroc srăng lŏ dơ̆ng jing kban đru ba klei bi hgŭm hlăm dŭm mta bruă plah wah dua tĭng ƀrư̆ hruê đĭ ktang hĭn hlăm wưng kơ anăp./.
Viết bình luận