Hlăm jar nao čhưn leh anăn mă bruă ti Lao, Êpul bi ala Êpul gơ̆ng djuê ana bruă kƀĭn ala Việt Nam mâo Khua Êpul gơ̆ng djuê ana Y Thanh Hà Niê K’dăm ngă khua Êpul nao kkuh čhưn hŏng Khua bruă kƀĭn ala Lào Xaysomphone Phomvihane leh anăn hrăm mbĭt gĭt gai klei bi trông kah mbha klei thâo kơ bruă djuê ana hŏng Khua Knơ̆ng bruă djuê ana bruă kƀĭn ala Lao.

Hlăm mmông drông, Khua Êpul gơ̆ng djuê ana Y Thanh Hà Niê K’dăm hâo hưn kơ klei tŭ bi hgŭm plah wah Êpul gơ̆ng bruă djuê ana bruă kƀĭn ala Việt Nam leh anăn Knơ̆ng bruă djuê ana Bruă kƀĭn ala Lao hlăm wưng êgao, hdră bi hgŭm hlăm wưng kơ anăp kơ bruă bi hgŭm mkŏ mjing klei bi trông kah mbha klei thâo kơ bruă djuê ana dua ala čar. Dua anôk bruă bi hgŭm mkŏ mjing klei bi trông kah mbha klei thâo kơ bruă mkŏ mjing hdră êlan hdră bhiăn leh anăn ktuê dlăng bruă pŏk ngă dŭm hdră êlan kơ djuê ana, rơ̆ng klei hdĭp mda ala ƀuôn, mđĭ kyar krĭng ƀuôn sang, lăm lui klei ư̆ êpa msir klei ƀun knap, mjing bruă mă kjăp kơ mnuih ƀuôn sang… Việt Nam leh anăn Lao mđĭ ktang klei bi hgŭm plah wah dŭm anôk bruă ngă bruă djuê ana.