Dua nah bi tŭ ư leh kơ bruă 2 thŭn leh êgao, Phŭn bruă kahan ksiêm dua ala čar mâo leh klei tŭ dưn hlăm bruă bi kdơ̆ng hŏng phung ngă soh, đru hlăm bruă răng mgang klei êđăp ênang bruă kđi čar, klei êđăp ênang yang ƀuôn dua nah.

Hgŭm hlăm wưng tinăp, kahan ksiêm dua ala čar mđĭn tal êlâo kơ jih jang bruă prŏng mâo mkŏ mjing, ngă jăk bruă răng mgang klei êđăp ênang, lehanăn bi hgŭm mbĭt hlăm bruă bi kdơ̆ng hŏng phung ngă soh hluh lăn čar, msĕ si klei soh matuĭ, klei soh hlăm bruă duh mkra, klei tlĕ čhĭ mnuih, klei soh mplư hlăm êlan hla pŏk dang kông, lehanăn internet. Tlam hrue anăn, Khua phŭn bruă kaham ksiêm Tô Lâm nao kkuh čhưn hŏng Thái Kỳ - Khua adŭ bruă gưl dlông Đảng Cộng sản China. Ti anôk čhưn hrăm anăn, Thái Kỳ bi mni klei đĭ kyar jăk siam bruă hgŭm mbĭt plah wah dua Đảng, dua lăn čar hlăm jih jang bruă mâo hgŭm kluôm dhuôm./.