Việt Nam – Philippines hyuă kjăp hĭn klei bi hgŭm lu tĭng
Thứ tư, 09:37, 18/06/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV4.Êđê- Ti ƀuôn prŏng Hồ Chí Minh, Êpul hgŭm ƀuôn prŏng Hồ Chí Minh mkŏ mjing Knăm bi hdơr 127 thŭn Hruê êngiê mơ̆ng Philippines (1898-2025) leh anăn 10 thŭn mkŏ mjing klei bi hgŭm hdră bruă Việt Nam-Philippines (2015-2025).
Blŭ hrăm ti anôk bi kƀĭn, K’iăng Nai prŏng, nai prĭn Phan Thị Hồng Xuân, Khua Êpul bi hgŭm Việt Nam- Ngŏ Dhŭng Asi ƀuôn prŏng Hồ Chí Minh mñă klă klei bi hgŭm dua nah ƀrư̆ đĭ kyar kluôm leh anăn sĭt mơ̆ng leh dua ala čar mđĭ klei bi hgŭm jing ƀĭng hgŭm kluôm.
Thŭn 2023, prăk hrui wĭt bruă mnia blei dua nah mâo êbeh 7,8 êklai USD, đĭ giăm 70% mkă hŏng wưng anei thŭn 2015. Việt Nam lŏ dơ̆ng ngă bruă klam jing ala čar mkăp braih prŏng hĭn kơ Philippines. Phan Thị Hồng Xuân brei thâo, klei bi hgŭm lĭng kahan - êđăp ênang plah wah dua ala čar ƀrư̆ dưi mđĭ hŏng bruă ngă ksiêm dlăng hlăm êa ksĭ, hŏng dŭm hdră mjĕ êrô mnuih ƀuôn sang, mtô bi hriăm leh anăn dhar kreh dưi pŏk mlar.
Viết bình luận