Khua hlăm Phŭn bruă kđi čar, Khua hlăm êpul bruă Đảng gưl dlông Võ Văn Thưởng nao hgŭm leh anăn blŭ gĭt gai knăm anăn.

Blŭ hlăm knăm anăn, Võ Văn Thưởng mñă klă: Čiăng kơ čar Kon Tum lŏ dơ̆ng đĭ kyar hmar, kjăp, ñu pŏk kơ dŭm mta phŭn čiăng kơ gưl bruă Đảng nah gŭ, êpul bruă Đảng, bruă sang čư êa, Mặt trận čar kwar, êpul êya čar Kon Tum uêñ mĭn hĭn hlăm wưng kơ anăp, anăn jing: Dŭm gưl bruă Đảng, êpul bruă Đảng, grăp čô knuă druh, đảng viên leh anăn mnuih ƀuôn sang dŭm djuê ana čiăng thâo srăng klă kơ bruă klam, kơhưm, klei găl, mbĭt hŏng dŭm klei dleh dlan, klei lông dlăng mơ̆ng čar pô, bi lar jih hnơ̆ng knhuah gru dhar kreh, hbuê ênuk, cách mạng mơ̆ng čar, klei hmăng hmưi gĭr ktưn, kpưn đĭ, mjing dŭm mta anăn jing ai ktang, jing bruă ngă klă klơ̆ng mơ̆ng grăp êpul bruă Đảng, grăp čô knuă druh, đảng viên leh anăn mnuih ƀuôn sang, hrăm mbĭt, sa ai, găn hgao dŭm klei dleh dlan, mkŏ mjing ƀuôn sang Kon Tum đĭ kyar kjăp leh anăn siam hĭn.