Aguah anei 02/3/2023, ti anôk bi kƀĭn mjêč tal 4, Bruă kƀĭn ala gưl 15 ksiêm dlăng, bi klă bruă dăp mnuih ngă bruă gưl dlông ruah khua lăn čar Việt Nam wưng thŭn 2021-2026. Hlue anăn, Võ Văn Thưởng, Khua hlăm phŭn bruă kđi čar, Khua hlăm êpul kiă kriê bruă Đảng gưl dlông gưl 13, pô bi ala bruă kƀĭn ala gưl 15 djŏ ruah ngă khua lăn čar hŏng boh tŭ dưn mâo jing 487/488 čô pô bi ala tŭ ư jing knar (98,38%). 

Hlăm klei blŭ hrăm leh đĭ păn bruă, Khua lăn čar Võ Văn Thưởng lač, srăng gĭt mkŏ mjing lehanăn mđĭ bi lar klei thâo bi mguôp jih jang djuê ana, mđing hmư̆ klei blŭ mơ̆ng mnuih ƀuôn sang, kyua kơ lăn čar, kyua kơ jih jang mnuih ƀuôn sang khăp h’iêng, bi klă klei mĭn mă mnuih ƀuôn sang jing phŭn, mă klei tŭ dưn djŏ klei bhiăn klei năng kơ mnuih ƀuôn sang, bi mă bruă jih ai tiê. Ya mta bruă amâo mâo djŏ bi ñĕ đuĕ. Kut kat bi kdơ̆ng hŏng hŏng klei ƀơ̆ng ngăn, bi leh klei bhiăn kjăp, mkŏ mjing knŭk kna doh mngač, kjăp ktang./.