Hluê si klei ksiêm dlăng mơ̆ng anôk bruă mdrao mgŭn, hluăt lŏk dôk đĭ lar lu hlăm dŭm mta mnơ̆ng drei amâo mđing msĕ si huôm dưm êa hlăm kdrăp masin bi êđăp, ngă kơ klei ruă êngoh bi ƀlĕ êrah đĭ lar hlăm krah wưng adiê mđiă ktang. Hlăm 5 mlan akŏ thŭn 2024, kluôm čar Dak Nông mâo 463 čô mâo klei ruă êngoh bi ƀlĕ êrah Dengue, đĭ 1,5 blư̆ mkă hŏng thŭn 2023.

Klei ruă mâo lu ti dŭm kdriêk nah Dhŭng mâo Dak Song, Dak Rlâp lehanăn ƀuôn prŏng Gia Nghĩa. Boh nik, ti Gia Nghĩa, hluê si klei ksiêm dlăng mơ̆ng anôk bruă mdrao mgŭn, ênoh mnuih ruă êngoh bi ƀlĕ êrah mâo êbeh 330 čô/100.000 čô mnuih, đĭ 2,2 blư̆ mkă hŏng hnơ̆ng đăo tĭng. Êban Thanh Sơn, K’iăng khua Anôk bruă ksiêm dlăng klei ruă tưp čar Dak Nông bi êdah klei mđing uêñ, klei ruă anei srăng bluh đĭ lu hlăm yan hjan ti anăp. Anôk bruă mdrao mgŭn dôk ksiêm dlăng grăp hruê čiăng bi mklă klei mâo, mprăp ênŭm mnơ̆ng dhơ̆ng kñăm mdrơ̆ng hŏng klei ruă anei./