Hđeh ruă anei jing Rơ Châm H’Niê (kkiêng thŭn 2020), dôk ti ƀuôn Hreng, să Hòa Phú, kdriêk Čư̆ Pah, čar Gia Lai. Hluê si hdră ksiêm dlăng, hđeh anei ka tlŏ vaccine gang mkhư̆ klei ƀlĕ sruê. Hlăm brô 3 hruê kăm êlâo kơ ruă, ĕ H’Niê amâo kbiă mơ̆ng alŭ wăl, knŏng bi tuôm hŏng mnuih hlăm sang lehanăn phung hđeh hlăm adŭ hriăm ti sang hră. Adei hđeh ruă anei ăt mâo klei bi êdah ƀlĕ sruê hlăm wưng anei lehanăn dôk dŏng mdrao.

Leh ĕ H’Niê djiê, anôk bruă mdrao mgŭn Gia Lai mkŏ mjing leh hdră krih êa drao mdjiê kman ti krĭng hđeh anei hdĭp mbĭt anăn mđĭ hdră mtô mblang, mtrŭt mjhar mnuih ƀuôn sang atăt anak djŏ hlăm gưl thŭn nao tlŏ mgang djăp ênŭm kñăm gang mkhư̆ klei ruă ƀlĕ sruê, bi hrŏ klei tưp lar hlăm êpul êya. Tĭng truh kơ ară anei, čar Gia Lai mâo êbeh 2.500 čô êngoh đing ƀlĕ sruê lehanăn 217 čô mâo bi mklă djŏ klei ruă anei./.