Ti čar Kon Tum, ênoh hđeh ruă ƀlĕ sruê đĭ lu, anôk bruă mdrao mgŭn alŭ wăl dôk mđĭ hdră tlŏ mgang kñăm gang mkhư̆ klei ruă anei, hlăm anăn mâo mta kñăm bi leh ênŭm hdră tlŏ vaccine kơ 95% êpul mnuih dôk hlăm êpul brei tlŏ mgang, hlăm mlan 3 hruê kăm anei, hluê si klei gĭt gai mơ̆ng Knŭk kna lehanăn Phŭn bruă mdrao mgŭn. Giăm 3 mlan êgao, anôk bruă mdrao mgŭn čar Kon Tum čih yap mâo 728 čô mâo klei ruă ƀlĕ sruê lehanăn đĭng djŏ klei ruă anei đĭ 722 čô mkă hŏng wưng anei thŭn êlâo.

Hluê ngă klei gĭt gai mơ̆ng Knŭk kna lehanăn Phŭn bruă mdrao mgŭn, mbĭt hŏng bruă mtrŭ mđĭ hdră hâo hưn truh ti grăp krĭng ƀuôn sang, krĭng taih kbưi, krĭng mnuih djuê ƀiă, anôk bruă mdrao mgŭn čar Kon Tum dôk hluê ngă hdră tlŏ mgang vaccine gang mkhư̆ klei ruă ƀlĕ sruê. Aê mdrao thơ̆ng kơ adŭ mdrao II Đỗ Ngọc Hoà, Kơĭăng khua knơ̆ng bruă mdraomgŭn čar Kon Tum brei thâo, anôk bruă mdrao mgŭn dôk mtrŭt mđĭ hdră tlŏ vaccine, gĭr tlŏ leh 95% ênoh mnuih dôk hlăm êpul brei tlŏ hlăm mlan 3 anei mtam./.