Ênoh tlŏ vaccin gang mkhư̆ klei ruă ƀlĕ sruê ti Dak Lak ti hnơ̆ng dưi mkhư̆ klei ruă
Thứ ba, 10:18, 01/04/2025
Pô mblang: H’ Zawut Byă
Pô mblang: H’ Zawut Byă
VOV4.Êđê - Čar Dak Lak bi leh hnơ̆ng tlŏ vaccin ƀlĕ sruê mâo 96%, djăp hnơ̆ng dưi mkhư̆ klei ruă.
Hlue si ênoh mrô hâo hưn mơ̆ng Anôk bruă ksiêm dlăng klei ruă čar Dak Lak, yap truh 12h yang hruê 31/3 kluôm čar tlŏ mgang leh klei ruă ƀlĕ sruê kơ 41.220 čô hlăm ênoh 42.943 čô. Mâo 96%.
Hlăm anăn mâo 3 kdriêk mâo ênoh lu hĭn jing kdriêk Ƀuôn Đon mâo 98,7%, Čư̆ Kuiñ mâo 97,7% leh anăn wăl krah Buôn Hồ mâo 97,3%. Hoàng Hải Phúc, Khua Anôk bruă ksiêm dlăng klei ruă čar Dak Lak brei thâo, hlăm dŭm hruê ti anăp, anôk bruă lŏ dơ̆ng ksiêm dlăng phung adôk čiăng lŏ tlŏ. Yap truh hruê 31/3, čar Dak Lak mâo leh 1.019 čô êngoh hlơr leh anăn 228 čô ƀlĕ sruê. Năng mđing, kyua mđĭ pral hnơ̆ng tlŏ mgang vaccin, anăn hlăm hruê kăm êgao, čar amâo lŏ mâo ôh phung hđeh ƀlĕ sruê.
Viết bình luận