Tui si klei hâo mdah, hlăm thŭn 2023, Daklak amâo lŏ mâo ôh mnuih ruă mrâo, ƀiădah truh krah thŭn 2024, klei ruă tưp lŏ đĭ leh giăm 900 čô mnuih, mđrăm mbĭt hŏng 31 čô mnuih mâo klei ruă rubella. 3 mlan akŏ thŭn 2025, ênoh mnuih mâo klei ruă sruê jing lu êdi truh 206 čô mnuih ruă, đĭ 100% mkă hŏng wưng anei thŭn dih, mâo lu êdi ti dŭm kdriêk Buôn Đon, Krông Pač, Mdrak lehanăn Ea Sup.

 30% mnuih ruă ti Daklak jing hđeh mơ̆ng 1-4 thŭn, lu jing phung hđeh ka tuôm tlŏ vắc xin gang mkhư̆ klei ruă srue ôh, Daklak ngă leh klei tlŏ mgang truh 95%, ƀiădah dua mlan akŏ thŭn anei hnơ̆ng ênoh mâo tlŏ mgang knŏng mil 15%. Võ Hải Sơn, K’iăng khua adŭ bruă gang mkhư̆ klei ruă tưp brei thâo, srăng ngă djăp klei dưi, čiăng mâo tlŏ mgang ênŭm kơ phung hđeh ti čar Daklak./.