Dak Lak ngă bruă tlŏ mgang klei ruă blĕ sruê kơ êbeh 42.000 čô hđeh
Thứ bảy, 08:33, 22/03/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV4.Êđê- Ti anăp klei dleh dưi ksiêm dlăng mơ̆ng klei ruă blĕ sruê, bruă mdrao mgŭn čar Dak Lak dôk mjêč ngă hdră tlŏ mgang kơ êbeh 42.000 čô hđeh hlăm mlan 3 anei mtam.
Hluê si Anôk bruă ksiêm dlăng klei ruă tưp (CDC) Dak Lak, mơ̆ng akŏ thŭn 2025 truh kơ ară anei, kluôm čar mâo leh êbeh 620 čô đing blĕ sruê, hlăm anăn mâo 207 čô djŏ kman blei sruê. Phung mâo klei ruă lu hĭn ti dŭm kdriêk Ƀuôn Đon, Krông Pač, Ea Sup leh anăn Mdrak, lu jing ka tlŏ mgang vaccine.
Mĭn tĭng hdră tlŏ mgang srăng tlŏ kơ êbeh 7.800 čô hđeh mơ̆ng 6 mlan truh kơ gŭ 9 mlan leh anăn êbeh 34.000 čô hđeh mơ̆ng 1 – 10 thŭn. Hoàng Hải Phúc, khua Anôk bruă ksiêm dlăng klei ruă tưp (CDC) Dak Lak mñă ktang, čiăng kơ hdră tlŏ mgang tŭ dưn, čiăng mâo klei nao hgŭm mơ̆ng bruă kđi čar, klei bi mguôp kjăp plah wah bruă mdrao mgŭn leh anăn sang hră mơar hlăm klei ksiêm duah, mtrŭt mjhar phung amĭ ama rơ̆ng kơ phung hđeh dưi tlŏ mgang djŏ hruê.
Viết bình luận