Mơ̆ng thŭn 2023 truh hruê 19/3/2024, čar Dak Lak mâo 8 čô djiê kyua klei ruă asâo miêo khŏ kĕ, lu tal 3 kluôm ala. Hjăn mơ̆ng akŏ thŭn truh ară anei, ti čar mâo leh 4 čô djiê kyua klei ruă anei, bi knar hŏng ênoh mnuih djiê kyua klei ruă asâo miêo khŏ kĕ hlăm jih thŭn 2023.

Knơ̆ng bruă sang čư̆ êa čar Dak Lak brei thâo, čiăng gang mkhư̆ klei ruă bluh mâo ăt msĕ mơh bi hrŏ ênoh mnuih djiê kyua klei ruă anei, dŭm anôk bruă djŏ tuôm leh anăn dŭm alŭ wăl brei kƀĭn djăp klei găl čiăng ngă bi jăk dŭm hdră kčah gang mkhư̆ klei ruă asâo miêo khŏ kĕ čar mtrŭn leh. Hdră msir tŭ dưn hĭn čiăng bi hrŏ klei ruă anei jing mđĭ hnơ̆ng tlŏ vaccin gang mkhư̆ klei ruă, gĭr tlŏ truh 70% ênoh asâo miêo hlăm wưng 2022 - 2025, kñăm truh 80% hlăm wưng 2026 - 2030./.