Aguah 7/4, Knơ̆ng bruă sang čư̆ êa čar Dak Lak mkŏ mjing Knăm mĭt tĭng mđing kơ hruê klei suaih pral jih jang mnuih ƀuôn sang thŭn 2026 hŏng akŏ “Pral gang mkhư̆ klei ruă - Kyua sa Việt Nam suaih pral”. Ti anôk mkŏ mjing, khua gĭt gai Knơ̆ng bruă sang čư̆ êa čar mñă klă klei suaih pral jing mta phŭn hŏng hnơ̆ng jăk klei hdĭp mnuih ƀuôn sang leh anăn klei đĭ kyar kjăp mơ̆ng alŭ wăl.

Mơ̆ng anăn, dŭm gưl, dhar bruă lŏ dơ̆ng mđĭ ktang klei hâo hưn, mđĭ klei thâo săng êpul êya kơ klei kriê dlăng klei suaih pral; mbĭt anăn bi liê mđĭ hnơ̆ng jăk  hdră bruă mdrao mgŭn, mđĭ klei thâo gang mkhư̆ leh anăn mdrơ̆ng hŏng klei ruă tưp. Hlăm boh klei bi mlih yan adiê leh anăn klei ruă tưp lu klei  huĭ hyưt, mnuih ƀuôn sang brei gang mkhư̆ klei ruă mơ̆ng hnưm, mkŏ mjing knhuah hdĭp jăk, đru mkŏ mjing anôk hdĭp  jăk mơak, mtah, doh.