Mơ̆ng akŏ thŭn truh ară anei, čar Lâm Đồng mâo 1.073 čô mâo klei ruă jơ̆ng, kngan, ƀăng êgei, hlăm brô 95% hđeh ti gŭ 5 thŭn. Đăo knăl hlăm wưng kơ anăp, klei ruă srăng lŏ dơ̆ng đĭ leh anăn dleh ktuê dlăng.

Čiăng pral ktuê dlăng klei ruă tưp, Knơ̆ng bruă mdrao mgŭn mtă kơ Knơ̆ng bruă sang hră mtô bi hriăm gĭt gai dŭm anôk  bruă sang hră, boh nik gưl hđeh leh anăn sang hră gưl sa, pŏk ngă bi jăk hdră msir gang mkhư̆ klei ruă tưp, boh phŭn jing ngă hdră “3 doh”: ƀơ̆ng mnăm doh, anôk dôk doh leh anăn kngan doh.  Knơ̆ng bruă mdrao mgŭn ăt tă kơ bruă sang hră bi hgŭm kjăp hŏng bruă mdrao mgŭn hlăm klei hâo hưn mtô mblang, ksiêm dlăng leh anăn msir mgaih anôk mâo klei ruă tưp; hâo hưn  kơ phung nai mtô, phung amĭ ama thâo kơ klei bi knăl kơ klei ruă leh anăn hdră msir gang mkhư̆.