Ênoh mnuih djŏ klei ruă jơ̆ng kngan ƀăng êgei ti Dak Lak đĭ lu
Thứ năm, 13:34, 02/04/2026
Y-Bel Êban/VOV Tây Nguyên
Y-Bel Êban/VOV Tây Nguyên
VOV.Êđê- Ti čar Dak Lak dôk čih yap ênoh mnuih djŏ klei ruă jơ̆ng kngan ƀăng êgei hlăm phung hđeh đĭ lu.
Bruă mdrao mgŭn alŭ wăl dôk mđĭ hĭn dŭm hdră êlan čiăng bi hrŏ ênoh mnuih djŏ mrâo ăt msĕ mơh mdrao mgŭn kơ pô ruă. Mơ̆ng akŏ thŭn truh kơ ară anei, čar Dak Lak mâo 602 čô djŏ klei ruă anei jing phung hđeh, đĭ 10% mkă hŏng wưng anei thŭn dih, ka mâo ôh pô djiê. Đa da alŭ wăl mâo ênoh mnuih ruă lu msĕ si ƀuôn hgŭm Ƀuôn Ama Thuôt, Tuy Hoà, dŭm să Sông Hinh, Krông Pač, Liên Sơn Lắk, Buôn Đôn, Čư̆ M’gar…
Aê mdrao Hoàng Hải Phúc, khua Anôk bruă ksiêm dlăng klei ruă tưp (CDC) Dak Lak brei thâo, adiê mđiă hlơr ngă mđĭ hĭn klei hŭi hyưt klei bluh đĭ klei ruă anei. bruă mdrao mgŭn Dak Lak dôk čŏng pô ngă dŭm hdră êlan gang mkhư̆ klei ruă tưp, mbĭt anăn mđĭ klei hâo hưn čiăng mđĭ klei thâo săng gang mkhư̆ klei ruă tưp mơ̆ng mnuih ƀuôn sang.
Viết bình luận