Ară anei kah knar hlăm grăp hrue kăm, čar Lâm Đồng mâo êbeh kơ 70 čô mnuih mâo klei ruă êngoh bi ƀlĕ êrah. Mđĭ ênoh mnuih ruă hlăm kluôm čar truh 1.200 čô, đĭ hĭn dua blư̆ mkă hŏng wưng anei thŭn dih. Hlăm ênoh anăn mâo leh truh 4 čô kjham, ka mâo ôh mnuih djiê.

Vũ Đức Nhuần, k’iăng khua knơ̆ng bruă sang čư̆ êa kdriêk Di Linh hưn, klei ruă êngoh bi ƀlĕ êrah hlăm kdriêk hlak đĭ, giăm truh ti ênoh jing klei ruă tưp prŏng leh, jing êbeh 300 čô mnuih ruă, lehanăn mâo yap leh truh 47 anôk mâo klei ruă. Kyuanăn bruă mdrơ̆ng hŏng klei ruă tưp hlak mâo alŭ wăl dôk ngă. Čar Lâm Đồng mâo leh asăp mtrŭn brei răng kơ klei uă tưp, iêo mthưrr jih jang mnuih brei mâo klei thâo săng răng mgang kơ klei suaih pral pô, mơ̆ng klei ruă tưp êngoh bi ƀlĕ êrah./.