­Hluê si mta phŭn dua tĭng bi klă, mmông ngă hdră mơ̆ng thŭn 2024 – 2026 hŏng ênoh đru amâo mâo wĭt mă mơ̆ng knŭk kna Japon jing 1,83 êklai yên, knar hŏng hlăm brô 300 êklai prăk, mâo wăt jih jang ênoh djŏ tuôm.

Mĭn tĭng kdrăp mdrao mgŭn srăng dưi jao kơ sang êa drao K leh anăn ba yua ti wưng tlâo mlan tal 4 thŭn 2025. Pô bi ala knŭk kna Japon mñă klă: Hdră anei mâo klei sa ai mơ̆ng knŭk kna dua ala čar, jing klei bi klă kơ klei mjĕ giăm Việt Nam – Japon, ƀĭng hgŭm bi mguôp kluôm dhuôm kyua klei êđăp ênang leh anăn mdrŏng sah ti Asi leh anăn tar rŏng lăn ƀri wưng bi hdơr 50 thŭn mkŏ mjing klei mjĕ giăm dua ala čar. Blŭ hlăm knăm bi klă, Khua phŭn bruă mdrao mgŭn Đào Hồng Lan mñă klă, anei jing hdră yuôm bhăn hlăm bruă mđĭ ai dưi čŏng mkă dlăng, mdrao klei ruă biăm mơ̆ng bruă mdrao mgŭn Việt Nam.