Khul bôh thâo phiăn juăt djuai ania Tày, Nùng, Mường să Ea Kao hmâo 52 čô mơnuih lĕ neh wa djop djuai ania Tày, Nùng, Mường hor, kiăng kơ bôh thâo đưm gum hrŏm. Tơdơi kơ hmâo tơlơi pơsit pơjing khul grŭp mơtăm, mơnuih amăng khul dưi pơtô brơi, pơtô glăi adôh then, pĕ gông tính gah djuai ania Tày, Nùng; pơdah sa dua mơta tơlơi atông čing hơgor djuai ania Mường. Tơdơi kơ 2 rơwang hrơi tơjuh, ƀing nao hrăm dưi pơdah laih tơlơi pĕ gông atông brô̆ klă 3 mơta tơlơi atông čing Mường hăng 3 tơlơi pĕ gông tính, adôh then.

Pha ra hăng hơdôm khul grŭp hmâo pơjing hlâo kơ anun, anai lĕ khul blung a hmâo tơlơi pơkĕ hrŏm mơ̆ng lu bơnah djuai ania hăng bôh than djru pơgang hăng pơlar djop mơta bôh thâo đưm, hơdră thâo thăi phiăn juăt đưm; ngă gal brơi kơ neh wa djop djuai ania dưi mơ-ak ngui ngor pơdơi pơdă klă hiam, kơtưn gum hrŏm hơbit./.