Amăng mông ngă lơphet, ƀing mơnuih amăng khul hơdor glăi gru grua 70 thun phĭn rup Việt Nam hăng Dak Lak. Ƀơi tơring čar Dak Lak, tơdơi kơ rơbêh 30 thun dong mơng hrơi akŏ pơjing, khul phĭn rup (gah Khul čih boh pia, tơlơi adôh suang) truh ră anai hơmâo 33 čô ding kơna, amăng anun hơmâo 17 čô lĕ ding kơna phĭn rup mơng gơnong glông; hơmâo 4 ding kơna arăng jao pri ƀing mơnuih phĭn rup hiam hloh hăng yôm hloh.

Ƀing mơnuih phĭn rup Dak Lak lêng kơ kiăo tui jơlan gah mơng Ping gah, hơdôm pok rup pơdah djop mơta amăng tơlơi hơdip, gru grua mơnuih mơnam, pơđĭ kyar bơwih ƀong huă, pơhlôm rơnuk rơnua, mut hrŏm jar kmar, hrăm hăng ngă tui tơlơi pơmĭn, pran hơdip mơng Hồ Chí Minh… Pơgôp lăi pơthâo rup rap Dak Lak, kual Dap kơdư, lŏn ia, ană mơnuih Việt Nam tơl gơyut gơyâo amăng lŏn ia hăng tač rơngiao. Ƀrô tal anai, Khul čih boh pia, tơlơi adôh suang Dak Lak hơmâo pơphun 2 tal pơplông phĭn rup anun lĕ: Tal pơplông hăng pơdă prưng rup rap “Buôn Ma Thuột-Dak Lak mut hrŏm hăng pơđĭ kyar” thun 2023 hăng tal pơplông mă rup “Anŏ hiam mơng Jơnum ngui kơphê Buôn Ma Thuột tal 8 thun 2023”.