Amăng hơdôm thun laih rơgao, bruă pơyơr drah amăng tơring čar Kon Tum pơgôp yôm phăn amăng bruă bơwih brơi tơlơi suaih pral kơ mơnuih ƀon sang. Kơnong thun 2022 laih rơgao đơ đam tơring čar pơphun 34 tal pơyơr drah, tŭ mă rơbêh 6.800 anung drah, dưm dưm rơbêh 136% hơnong pơkă mơng Khul git gai pơtrut pơyơr drah jao trun.

Tal pơyơr drah ră anai hơmâo pok pơhai djop anih amăng hơdôm tơring glông, plơi prong hăng anom bruă amăng tơring čar Kon Tum jing gru grua hiam. Khul git gai pơsur pơyơr drah tơring čar Kon Tum ba tơbiă hơnong pơkă amăng thun 2023 hơmâo pơsur 1.500 čô mơnuih čih ană nao pơyơr drah hăng tŭ mă 7.200 anung drah djơ̆ hăng tơlơi kiăng mơng Sang ia jrao prong tơring čar kiăng jôr brơi mơnuih duam ruă.

Mơguah lơ 7/4, ƀơi plơi prong Buôn Ma Thuột, Grŭp git gai pơsur brơi drah gum djru tơring čar Dak Lak pơphun jơlan hơdră “Hrơi abih bang mơnuih ƀôn sang gum hrom brơi drah gum djru” thun 2023 hăng anăn ñu “Brơi tơdjoh drah – Jao tơlơi hơdip”. Jơlan hơdră ngă pơhư̆č rơbêh kơ 600 čô mơnuih gum hrom lĕ mơnuih apăn bruă, mơnuih mă bruă, khul ling tơhan nao brơi drah. Mơng anun pơhrui hmâo 459 anung drah.

Yă Ayun H’ Hương, Khua Khul ia jrao kyâu bơrơkal mriah tơring čar Dak Lak brơi thâo, hơdôm thun jê̆ hăng anai, mrô ƀirô, anom bruă, sang măi, sang bruă, sang hră pơphun hơdôm bruă brơi drah jai hrơi jai lu hluai tui tơlơi kah hăng Jơnum ngui bơyan bơnga mriah, Hrơi tơjuh mriah, Bruă mă mriah... Hơdôm hrơi jơnum ngui brơi drah hmâo pơjing laih tơhnal gal kơ lu mơnuih dưi djru ba glăi tơlơi hơdip kơ mơnuih ruă glăk kiăng drah. Jơlan hơdră hơdor glăi 23 thun hrơi abih bang mơnuih ƀôn sang brơi drah gum djru lĕ jing tal pioh lăi pơhing pơđĭ tui hloh dong bôh than, bôh tŭ yua klă hiam mơng brơi drah pơtlaih mơnuih, lar hyu djop bruă brơi drah amăng mơnuih mơnam./.