1. Pơrjum dờng Đảng bộ ală kấp tơngai lơh broă bơh nam 2020 tus nam 2025 mờ ua\ tam gơl pa mờ cồng nha

Nam 2020, pơrjum dờng Đảng bộ ală kấp bơh kấp hơ đơm tus kấp gơ wèt dà lơgar geh bơyai lơh geh cồng nha tàm ua\ gah. Ală tơngume dờng bơh pơrjum dê geh cribơyai mờ lơh nền jat nùs nhơm ring bal jơnau đơs, bồ tơngoh mờ geh kơ nòl, ngan là broă rơcang cih ală sră nggal pơrjum dờng mờ broă lơh kuang bàng.

Tơl Đảng bộ ndrờm jat bơta geh ngan he dê nàng bơt bơtàu gùng dà mờ broă lơh dipal, lơh gơlik bơta tam gơl bè khà mờ bơta niam. Ală jơnau sồr bè khà tơl, rơndap tap sèng, khà, bơta niam kấp ủy mờ thường trực kấp ủy geh gàr niam. Khà kấp ủy viên là cau ùr, cau kòn cau, cau kơnòm să ua\ rlau mờ ală tơngai lơh broă lài, geh tus 43% Bí thư Tỉnh ủy pa, Thành ủy pa gơ wèt rơnàng 7X.

2. Lơgar Việt Nam rơcang sơndră mờ sền gròi geh kòp Covid-19, gơs tiah àng tàm dunia dê

Kơnờm mờ ală gùng dà broă lơh bal mờ broă lơh di, lơh ngan bơh Đảng, Chính phủ, broă tus bal bơh ală mpồl lơh broă chính trị, broă dùl nùs bal, lơh ngan pràn kơl dang bơh làng bol, lơgar Việt Nam rơcang sơndră geh cồng nha mờ rơhời kơrian geh kòp Covid-19.

Tam cah mpồl bơtiàn nền nòn, ai ngui gờ` broă rơcang sơndră, kơrian, gơsơ\t kòp tàm ală tiah gơbàn uă, ba` lời gơtờp là ală broă lơh geh gơlam tus mờ cồng nha bơh dơ\ tam dră mờ kòp Covid-19. Lơgar Việt Nam gơs “lơgar lam lài” ai uă lơgar ndai in đờm jăt bal bè broă kơrian kòp geh cồng nha mờ khà priă tă ờ uă ngan. Kòp Covid-19 neh lơh uă broă lơh mpồl bơtiàn tam gơl jăt broă lơh pờ tơl^k tàm internet, bè ală pơrjum Quốc hội, pơrjum dờng mpồl ASEAN, ală pơrjum cri bơyai, bơto bơtê mờ bơsram tàm ală hìu bơsram, broă kă bro…

3. Việt Nam lơh geh cồng nha gơnoar broă Chủ tịch mpồl ASEAN, Chủ tịch AIPO/AIPA nam 2020 mờ Ủy viên ờ lơh broă sùm Hội đồng Bảo an Liên hợp quốc

Tơnguh nùs nhơm “Tam klac mờ rơcang lài gơ rờm bal”, tàm gơnoar broă Chủ tịch, Việt Nam neh bal mờ ală lơgar geh jơng tàm mpồl ASEAN ai tơnggo\ nùs nhơm kơ\ kơljap, tam klac bal, ring bal tềng đap kal ke, kòl yan, gàr sùm bơta lơh broă bal, sơndră geh cồng nha mờ ală gơ rềng bơh kòp dờng Covid-19 mờ tơnguh rlau tai gơnoar broă lơh tờm bơh mpồl ASEAN dê, tơnguh gơnoar broă tàm tiah do mờ tàm dunia.

Cồng nha geh pơn rơ ngan rlau jơh bơh nam Chủ tịch ASEAN 2020 dê là broă Việt Nam neh chul chồl ki\ Hiệp định lơh broă bal lơh sa tơl làm tiah do (RCEP) – jơnau ring bal kă bro dờng ngan rlau jơh dunia, ală lơgar ASEAN ring bal bè broă sền dờng màng adat boh lam dunia, sền gàr kơ\ tiah ơm kis ring lơngai tàm dà lềng đah mat tơngai lik, bơsong tơl bơta ờ ring bal bơh broă lơh cribơyai mờ boh bơr.

Tàm gơnoar broă là Ủy viên ờ lơh broă sùm Hội đồng Bảo an Liên hợp quốc, kuơmàng là tàm nhai Việt Nam là Chủ tịch, Hội đồng Bảo an neh ring bal 13 kơrnuat, dùl jơnau yal bơr bơh Chủ tịch dê, 5 jơnau yal bơr mờ cau lơh [a\u mờ 2 jơnau yal cau lơh [a\u in. Do là khà lơh nền ua\ ngan rlau jơh tàm dùl nhai lơh broă bơh Hội đồng Bảo an dê tàm ua\ nam rềp ndo. Kuơmàng, jơnau bơceh bơh lơgar Việt Nam dê ai ngai 27/12 pah nam là “Ngai dunia rơcang lài sơndră kòp bơ tờp” geh Đại hội đồng Liên hợp quốc ring bal. Mờ nam do dơ\ sơn rờp “Ngai dunia rơcang lài sơndră kòp bơ tờp” geh bơyai lơh tàm gùt dunia.

4. Bu\ lah gơtìp aniai uă bơh kòp Covid-19, lơgar Việt Nam là dùl tàm ờ uă lơgar geh broă lơh sa gơguh uă tàm tiah do mờ tàm dunia

Nam 2020, broă lơh sa dờng lơgar he geh ring niam, broă gơmù khà priă geh sền gròi tàm bơta ờ uă, bơta niam gơguh lơh sa geh gơguh, ală broă lơh ndrờm bal dờng bơh broă lơh sa geh gơguh. Bu\ lah gơtìp aniai uă bơh kòp gơtờp, mơya gơguh GDP gùt nam kờp du\ 3%; GDP tơl nă cau tàm nam 2020 kờp du\ geh di pơgăp 2 rơbô 750 dolar Mỹ.

Lơgar Việt Nam là dùl tàm ală lơgar gơguh broă lơh sa uă ngan tàm tiah do mờ tàm dunia. Pal kah ngan là khà priă jơnkah kă bro uă ngan bơh lài tus tu\ do tàm khà 17 tơmàn dolar Mỹ, prăp gàr priă lơgar bơdìh geh 100 tơmàn dolar Mỹ. Ală broă lơh ngan nàng geh khà gơguh lơh sa tàm nam 2020 lơgar Việt Nam dê là dùl tàm ală bơta àng loh làng ngan gùt plai ù dê.

5. Mut gơrờm bal dunia ngai sơlơ ua\ bơh ală hiệp định kă bro khat gơboh

Hiệp định EVFTA geh lơh jat ngan ngồn bơh ngai 01/8/2020 lơh gơlik ua\ tu\ niam ai phan bơna lơgar Việt Nam in tac tus drà kă bro Mpồl tam klac châu Âu. Bal mờ EVFTA, Việt Nam neh tus bal Hiệp ước lơh broă bal tơl làm bă tiah (RCEP), mờ bơta tus bal bơh 15 lơgar geh jơng, geh lơh gơlik drà kă bro rlau 2 tơmàn 200 tơlak nă cau, ndrờm mờ 26 rbô 200 tơmàn dolar Mỹ, là tiah kă bro khat gơboh dờng ngan rlau jơh dunia.

Tu\ geh lơh jat ngan ngồn, ală hiệp định do là bơta pơn jờng dờng ngan ai tac phan hờ lơgar ndai bơh Việt Nam dê in, dong lơh gơlik li la drà kă bro mờ phan tac hờ lơgar ndai, kuơmàng là ală bơta phan lơh gơs bơh suơn sre, phan tàm dà kung bè ală bơta phan mờ lơgar Việt Nam he geh ua\ bơta pràn tàm pơrlòng.

6. Bơyai lơh geh cồng nha ală ngai chờ dờng, lam sồr nùs nhơm kờ` gơboh mờ dà lơgar bal mờ nùs nhơm pơnyờ să mờ dà lơgar dê

Tàm nam 2020, dà lơgar geh bơyai lơh uă broă lơh chính trị kuơ màng, ală ngai tơnkah dờng bè: tơnkah 90 nam ngai crơng gơs Đảng Cộng sản Việt Nam (03/02/1930 – 03-02-2020), 90 nam crơng gơs Mặt trận Dà lơgar Việt Nam (18/11/1930-18/11/2020), 130 nam tờm ngai deh Bác Hồ (19/5/1890-19/5/2020), tơnkah 75 nam ngai kăc màng nhai 8 geh cồng nha (19/8/1945-19/8/2020 mờ ngai sơn tờm dà lơgar (02/9/1945-02/9/2020), tơnkah 45 nam ngai tơnklàs tiah đah jum dà lơgar tơrgùm bal (30/4/1975-30/4/2020).

Ală broă lơh chài rơgơi do neh hòi jà geh nùs nhơm tam klăc bal, nùs nhơm pơnyờ să mờ bồ tơngoh ngăc ngar pràn jăk dà lơgar dê, pơgồp bal tàm broă tơnguh, bơtơl nùs nhơm pin dờn bơh làng bol dê tàm broă tam gơl pa bơh dà lơgar mờ tơrgùm bal mờ dunia tềng đăp mờ broă đơng lam bơh Đảng Cộng sản lơgar Việt Nam.

7. Broă lơh bơt bơtàu, lơh niam wơl Đảng mờ mpồl lơh broă chính trị geh chồl pràn tơl làm, ring bal; broă lơh rơcang sơndră sa kuề sa kùa geh lơh krà` cê, jơh nùs mờ geh cồng nha

Nam 2020, broă lơh bơt bơtàu, lơh niam wơl Đảng geh ală bơta tam gơl niam ngan, pràn jak đơng lam bồ, broă lơh đơng lam bồ mờ bơta pràn lơh broă bơh ală mpồl duh broă Đảng dê geh tơnguh niam. Broă lơh rơcang sơndră sa kuề sa kùa geh đơng lam, pơlam mờ lam lơh jat jơh nùs, lơh geh cồng nha, ai go\ nùs nhơm lơh ngan rơcang sơndră sa kuề sa kùa “ờ geh tiah kơryan, ờ go\ lời bơdìh” bơh Đảng, dà lơgar dê.

Ală anih lơh broă geh gơnoar neh cah rơ`a krà` cê ua\ broă lơh tìs sa kuề sa kùa, tìs lơh sa dờng, kal ke. Bal mờ hơ\, là bơta tam gơl pràn kơldang, ring bal rlau tàm broă lơh rơcang sơndră sa kuề sa kùa tàm kấp hơ đơm; kơryan, bơsong geh cồng nha bơta pơhề pơhà, ờ niam, lơh gơbàn kal ke làng bol, mpồl lơh sa kă bro. Bơta do pơgồp bơnah kuơmàng gàr kơ\ kơljap chính trih, bơtàu tơnguh lơh sa – mpồl bơtìan, tơnguh bơta pin dờn bơh kuang bàng, đảng viên mờ làng bol dê gơ wèt tus mờ Đảng, dà lơgar.

8. Tơnguh bơtàu bơta chài rơgơi, bơ\t bơtàu kòn bơnus geh uă broă gơguh jăk

G^t bè bơngă, gơnoar bơh bơta chài rơgơi mờ gơnoar là bơta tờm, là jơnau kờ`, là bơta pràn dơlam is, là bơta tờm nùs nhơm bơh mpồl bơtiàn geh gơguh dùl bă. Ală bơta, phan chài rơgơi tơnguh bơtàu uă bơta, li la. Uă bơta kuơ chài rơgơi ờs mờng dà lơgar geh prăp gàr mờ tơnguh. Broă lơh chài rơgơi đơs crih tamya geh uă bơta niam chài.

Pơrjum tơngai lơh broă ală Hội văn học, nghệ thuật geh bơyai lơh geh cồng nha. Uă dơ\ pơrlòng sân khấu, nghệ thuật, pơn jờng văn học nghệ thuật geh bơyai lơh mờ geh cồng nha niam. Broă bơ\t bơtàu kòn bơnus lơgar Việt Nam mờ ală bơta kuơ dà lơgar, pa ngan geh drơng gàr, tàm hơ\ uă ngan là bè bơta niam chài, bơta ngăc ngar, nùs nhơm niam. Nam 2020 geh sền là nam tam gơl số dà lơgar mờ broă Chính phủ, ală bộ, gah lơh broă dà lơgar, mpồl lơh sa kă bro lơh jăt pràn kơl dang ală broă lơh, bơta tờm, phan geh lơh, broă drơng ala công nghệ thông tin, ngui ală công nghệ gơguh jăk bè dữ liệu dờng, điện toán đám mây, bơta ngăc ngar geh lơh is, internet vạn vật…

9. Chính trị - mpồl bơtìan kơ\ kơljap, sền gàr dà lơgar – sền gàr lơngap lơngai geh gàr kơ\ mờ sơlơ tơnguh rlau tai

Bơt bơtàu Ling klàng làng bol mờ Kuang àng làng bol kac màng, chính quy, chài rơgơi, hời rơ hời tam gơl pa; 2, 3 quân chủng, binh chỉng, mpồl ling geh bơta gơguh mhar tus bơta tam gơl pa.

Kơ\ dơn tam lơh sền gàr kơ\ kơljap lơngap lơngai is, gơnoar tờm, ring bal, tơl làm ù tiah dà lơgar dê, bơta kuơ dà lơgar, jơi bơtìan dê; sền gàr lơngap lơngai chính trị, ờ do ờ dă mpồl bơtìan. Bơta pràn sền gàr dà lơgar, sền gàr lơngap lơngai geh tơnguh, mpồl rơcang gàr tàm làng bol geh gàr kơ\. Broă tàm dà lềng đah mat tơngai lik bulah gơlik geh kal ke mơya geh bơsong di gùng di dà, krà` cê. Lam lơh geh cồng nha ua\ rơndap broă bè sền gàr dà lơgar mờ sền gàr lơngap lơngai. Rơcang sơndră, kơryan geh cồng nha ală bơta pơhìn tus lơngap lơngai ờs mờng mờ ờ ờs mờng; rơcang sơndră cau tìs, broă lơh tìs tàm mpồl bơtìan, broă ờ niam tàm mpồl bơtìan geh cồng nha niam.

10. Rềs àr bơh trồ tiah, mìu càl dờng dà tih dà cò lơh aniai uă, tàm hơ\ uă ngan là tàm tiah tàm gùl lơgar

Ală dơ\ mìu piar ni sơna gơbàn tơn bơh bồ nam, trồ prang uă tiah tàm gùl lơgar, Tây Nguyên mờ tiah ring dà dờng Cửu Long; nhai 10 mờ nhai 11, ală càr bơh tiah đah tô tàm gùl lơgar tus tiah đah jum tàm gùl lơgar neh pơn jăt tơn gơtìp uă dơ\ mìu càl dờng tàm dà lềng đah măt tơngai l^k.

Mìu, mìu càl dờng lơh gơbàn uă dà tih dà cò mờ tơrlah ù uă ngan tàm 100 nam rê hờ do, lơh mờr 200 nă cau chơ\t mờ lơh aniai tus broă lơh sa mờr 30 rơbô tơmàn đong. Do là hoàc huơr bơh broă tam gơl trồ tiah gùt plai ù, broă gơrềng bal bơh kòn bơnus.

Dùl bơta mblàng pa “geh uă bơta rềs àr bơh trồ tiah” gam ala mờ jơnau mblàng “rềs àr bơh trồ tiah”. Bơh broă gơtìp rềs àr, mìu càl dờng, dà tih dà cò, nùs nhơm tam klăc bal gùt jơi bơtiàn, nùs nhơm niam mpồl bơtiàn, oh mi, dong kờl bal geh gơguh. Hoàc huơr uă ngan bơh rềs àr geh tơmù mờ ndrờm bal. 

Cau mblàng Ndong Brawl- K’Duẩn