VOV4.K’ho – 4 jiơ 35 phuk àng drim gờn ngai òr 7/5, tàm gùng Hồ Chí Minh, gơl lòt gan thị trấn Cư\ Sê, kơnhoàl Cư\ Sê, càr Gialai dê, neh gơlik geh dơ\ rềs àr gùng lòt ngòt rơngơ\t lơh 13 nă cau chơ\t, mờ rlau 30 nă cau ndai gơtìp sồt să. Rơndeh năc [àng sồ 18B-018.32 lòt bơh càr Bình Phước tus Nam Định den gơtìp tam tơm mờ rơndeh pơndiang phan [àng sồ 77C-139.37 pơndiang phơng sih mờ sơmang. Jơnau lơh gơtìp rềs àr do là tài bơh klau Võ Văn Qúy, deh nam 1990, ơm kis tàm Phù Cát, càr Bình Định là cau măy rơndeh pơndiang phan lơh gơlik. Qúy neh măy rơndeh pơndiang phan ntoăt mhar ngan ntoăt rơndeh rlau 105 kơi sồ tàm dùl jiơ, ntoăt sơlơ\u gùng mờ tơm song tơn tàm rơndeh năc.

Tơnơ\ tu\ gơlik geh dơ\ rềs àr, kuang đơng lam bồ càr Gialai neh sồr ală gah lơh broă tơrgùm jơh bơta pràn dong kờl ală cau gơtìp chơ\t, jơh nùs bơsong jơnau gơlời wơl. Mờ càr kung rơcang ală bơta niam ngan rlau jơh nàng dong kờl sền gàr ală cau gơtìp aniai mờ dong kờl cau hìu bơnhă ală cau gơtìp aniai tu\ tus tàm Gialai. Tàm mho ngai òr tơn, Ủy ban Sền gàr ờdo ờdă gùng lòt dà lơgar neh să tờm lòt còp ală cau gơtìp aniai mờ lơh broă mờ kuang đơng lam bồ càr Gialai bè dơ\ rềs àr gùng lòt ngòt rơngơ\t do. Mpồl lơh broă bơh Ủy ban Sền gàr ờdo ờdă gùng lòt dà lơgar neh dong kờl 5 tơlak priă gơ wèt tus mờ hìu bơnhă geh cau gơtìp chơ\t mờ 2 tơlak priă gơ wèt tus mờ tơl nă cau gơtìp sồt să.

Kờ` dong kờl ală cau rềs àr tàm gùng lòt gơbàn tàm càr Gia Lai, mho òr (07/5), Hội Chữ thập đỏ Việt Nam neh tơl^k kơrnoăt dong kờl mhar ai 45 nă cau gơbàn aniai in. Mùl màl, tơl nă cau gơbàn chơ\t geh dong kờl 3 tơlăk priă; cau gơbàn sồt să geh dong kờl 1 tơlăk priă. Tu\ do, kuang bàng đơng lam Hội Chữ thập đỏ càr Gia Lai neh tus còp să, lam sồr cau gơbàn tàm dơ\ rềs àr bal mờ hìu nhă; mờ jào khà priă dong kờl bơh Hội Chữ thập đỏ Việt Nam jào pà hìu nhă ală cau gơbàn aniai in. Hội Chữ thập đỏ càr Gia Lai kung neh sồr ală mpồl, anih prăp gàr mhàm, rơcang mhàm, lam sồr ală cau tàm mpồl rơcang ai mhàm dong kờl cau tu\ kờ`.

Cau cih mờ yal tơngi\t- Lơ Mu K’ Yến mờ Ndong Brawl