VOV4.K’ho- Jơnau yal bơh Mpồl đơng lam Dà lơgar bè Rơcang sơndră trồ tiah lơh aniai pà go\, mìu nhàc dà ko\ dà cò tàm ală càr tiah đah tàm gùl lơgar, mờ Tây Nguyên neh lơh 15 nă cau chơ\t mờ 6 nă cau roh thi\t, gi\t nđờ jơ\t rbô nơm hìu ơm gơtìp tơrlah tơrlơm, dà cò pơrdô, mờ gơbam tàm dà. Pơn jat hơ\, Phú Yên là càr gơtìp hoàc hươr uă ngan rlau jơh bè kòn bơnus bal mờ 7 nă cau, pơn jat tai là Quảng Bình 3 nă, Quảng Trị 2 nă, Bình Định 2 nă, Daklak 1 nă. Mìu nhàc dà ko\ dà cò kung lơh 6 nă cau roh thi\t tàm ală càr Quảng Bình, Quảng Ngãi, Phú Yên mờ Kontum. Bơdìh hơ\ tai, rlau 45 rbô nơm hìu gơtìp tơrlah tơrlơm, dà cò pơrdô, mờ gơbam tàm dà tài bơh mìu nhàc dà ko\ dà cò lơh aniai; 12 rbô lồ kòi, phan tam mờ chi tam pah nam…Mpồl đơng lam Dà lơgar bè Rơcang sơndră trồ tiah lơh aniai sồr ală càr pơn jat tai jat sền bơta gơlik geh bơh mìu nhàc dà ko\ dà cò dê, rơcang lài ntrờn làng bol lik bơh tiah geh pơhìn gơtìp dà ko\ dà cò, tơrlah ù, ngơr bam jrô dà. Sùm lòt sền bơta ờdo ờdă tơnau dơng dà, sền gàr niam ờdo ờdă bơtơ\t dơng dà mờ tiah đah jum, ngan là ală tơnau dà gam yuh dà, lam lơh broă bơ\t bơtàu wơl bơta gơ aniai bơh mìu nhàc dà ko\ dà cò lơh, lam lòt sền, tơrgùm kờp bơta hoàc hươr ngan ngồn.

Cau cih mờ yal tơngi\t- Lơ Mu K’ Yến