VOV4.K’ho – Gah Gùng lòt pơndiang phan dà lơgar pa sồr Gah rơndăp broă mờ bơcri priă dà lơgar sền sơ wì mờ jun yal mờ Kuang gơs gơnăp gơnoar atbồ hơđang rlau jơh dà lơgar in ki\ Dan rơndăp broă lơh sơlơ tàm tơrbo\ bal gùng lòt tiah Tây Nguyên (gùng rơndeh dờng 19), ngui priă càn bơh Anih priă jền dunia dê (WB). Rơndăp broă lơh geh jơnau kờn lơh niam jơh wơl 170 kơi sồ gùng rơndeh dờng 19 jat tơl khà kơnă III. Do là gùng lòt kờn tàm tơrbo\ bal jat gùng pleh đah mat tơngai lik- đah mat tơngai mu\t bơh tiah Tây Nguyên tus tàm ală càr kềng gah dà lềng đah tàm gùl lơgar, lơh geh tơl khà ờdo ờdă gùng lòt dunia. Tài bơh priă càn bơh Gơnoar atbồ lơgar dê kal ke den tàng Gah gùng lòt pơndiang phan dà lơgar dan càn priă WB dê nàng ngui tàm broă tơm priă ai ù lơh gùng. Mờ broă rơndăp lơh do, kờp jơh priă bơcri lơh Rơndăp broă lơh do là pơgăp 154 tơlak dolar Mỹ, ndrờm mờ 3500 tơmàn priă, tàm hơ\ priă càn bơh WB dê là 150 tơlak dolar Mỹ. Dilah geh ring bal ai lơh, Rơndăp broă lơh do geh sơnđờm mu\t lơh tàm nhai 2/2019 tus do mờ geh lơh jơh tơnơ\ 3 nam lơh. Gùng rơndeh dờng 19 jòng 229 kơi sồ, pa geh bơcri priă lơh jat broă lơh BOT mờr 60 kơi sồ. Ală gơl gùng gam wơl tu\ do neh ờ gam niam tai, uă tiah gơtìp roh bơta lơngăp lơngai tu\ lòt rê tàm gùng.

Cau cih mờ yal tơngi\t- Lơ Mu K’ Yến