VOV4.K’ho - Drim òr 19/03, 16 nă kơnòm bơsram ơdu\ 4B, Hìu bơsram kai I mờ kai II Xuân Thành, bơsram tàm Hìu bơsram Bình Hoà, ntum Dà Pal, kơnhoàl Dà Teh, càr Lâm Đồng kung gam geh sơm kòp ai ơm cah is tàm Hìu sơnơm kơnhoàl Dà Teh. Ală kơnòm bơsram do geh jun tus hờ Hìu sơnơm kơnhoàl Dà Teh tu\ 6 jiơ mho ngai òr nao 18/03, tài geh ală bơta gơ tơngo\, bè: duh să, bơ siă, jê bồ. Mblàng bè broă pal ai ơm cah is nàng sơm kòp, bác sĩ Vũ Thanh Hương kuang atbồ Hìu sơnơm kơnhoàl Dà Teh pà git: Do là ală cau kòp geh bơta gơ tơngo\ đah bơdìh ndrờm bè kòp duh să tài bơh siêu vi. Mơya, kòp mhar gơbàn kơn jơ\, mờ mìng gơbàn uă tàm dùl ơdu\ bơ sram, lơh uă kòn dềt gơtìp bơ tờp kòp, den tàng kung gơtùi sơl kơlôi tus kòp pluh A H1N1. Den tàng bè hơ\, Hìu sơnơm kơnhoàl Dà Teh mu\t lơh ai cah ơm is cau kòp mờ bồm sơ nơm lơh kloh niam tiah ơm kis tàm bòn lơgar bè dùl tiah dềt gơbàn kòp. Bè bơta pràn kơldăng bơh ală kơ nòm bơ sram dê, bác sĩ Vũ Thanh Hương pà gi\t: Tu\ pa mu\t tàm hìu sơ nơm tơn, ală oh geh ai mhàm nàng sền kòp, chùp X- quang klờm soh. Tu\ do, ală oh ndrờm duh să rlau 39 độ C. Ờ uă oh geh bal ală bơta gơ tơngo\ bè gơbàn gơ hòr dà muh, jê rơnồng dờ, bơ siă, as amidan…Cồng nha kham kòp đah bơdìh, ai go\, geh 9 nă cau kòp geh bạch cầu jơnhoa digơlan gơtìp sồt bơ\ uă. Bal mờ hơ\ tai, jơh ală oh ndrờm ờ geh tai bơta ờ niam ndai tàm rùp chùp X-quang. Tơ nơ\ dùl mang sơm kòp, tu\ do mìng gam 5 nă oh duh să rlau 39 độ C, 5 nă oh duh să dùl e\t mờ 7 nă oh rơ hời pràn wơl.